Tavë peshku sipas mami Likës

Që jemi fis i ekzagjeruar e tregon ky peshku ose "egërsira" 🤩që do shihni në foto, të cilin ma solli djali im i tezes Auloni. Auloni siç kuptohet nga emri tij, por dhe nga mënyra si emërton peshkun e thellësive "egërsira" është nga Vlora, me shpirt aventurieri, i etur për sportet ekstreme, shumë bukurosh dhe "single" 😍. Thënë këtë nga Auloni duhet ta prisja peshkun 4 kg, që quhej LICE 🐟. Ishte aq i madh sa për ta ndarë në racionë duhej hanxhar, jo thikë e madhe e cila mi bëri duart copa (me provë).😊

Besoj që të gjithë kur kemi një peshk kaq të madh ndër duar nuk na shkon mendja për ta skuqur apo thjesht pjekur me limon dhe erëza. Një tavë tradicionale peshku siç e do zakoni (në këtë rast sipas mami Likës) duhej të ishin nderimet e rastit.

Unë nuk para gatuaj tava peshku se gjithmone janë mamatë, gjyshet ose nje tavolinë e madhe që na mbledh për një gatim të tillë, por qëllova në shenjë nën këshillimin e mami Likës. Dhe mami Lika vet pati rastin ta shijoj se gjysma e peshkut shkoi andej, sidomos pjesa e kokës (sa një delfin 🤩) që mami Lika e pëlqen shumë ta shijojë.

Më poshtë receta.

Përbërësit:

1 kg e gjys peshk

2 kokrra qepë (të kuqe i kisha unë)

2 -3 thelpinj hudhër

2-3 gjethe dafinë

1 filxhan kafe verë të bardhë ose ½ filxhan kafe uthull molle

1 luge gjelle miell

1 lugë çaji spec i kuq pluhur

Piper i bardhë

1 gotë ujë

Vaj ulliri dhe vaj për gatim

Përgatitja:

Pasi pastrojmë peshkun, e presim atë në copa. Në një tigan që nuk ngit hedhim pak vaj dhe skuqim peshkun në zjarr të fortë sa të krijojë një karamelizim nga skuqja. Vendosim pjesët e peshkut në tavën e pjekjes. Në të njëjtin tigan hedhim pak vaj ulliri dhe hedhim hudhrat dhe gjethet e dafinës që vaji të aromatizohet. I heqim më pas këto të fundit dhe i vendosim tek tava ku kemi peshkun.

Grijmë qepët në copa dhe i lëmë të kaurdisen në zjarr të avashtë sa ato të zbuten dhe skuqen në lëngun e tyre. Shtojmë me radhë verën e bardhë (ose uthullën e mollës). Pasi vera avullon shtojmë specin e kuq, miellin dhe 1 gotë ujë. Rregullojmë me kripë dhe piper të bardhë që ja bluajmë në moment.