Jo vetëm tani që kam vendosur të postoj çfarë gatuaj në shtëpi, por
edhe më përpara kam qenë shumë vigjilente ndaj recetave të reja që dëgjoja në
biseda me mikeshat e mija. Byrekun me qumësht, që mamaja ime tradicionalisht e
gatuan në ditën e pashkëve, ne e quajmë yshmer dhe pregatitet me petë të
pjekura, 7-8 vezë fshati, mundësisht qumësht kulloshtër (qumësht nga lopa që
sapo ka sjell në jetë viçin) dhe po ishe me fat të gjeje dhe pak djathë “nape’
si mozzarella italiane :). Me pak fjalë gjatë gjithë jetës time unë kam ngrënë
këtë byrek me qumësht “yshmer” të përshkruar më lart.
Dje në punë, gjatë orarit të pushimit, kolegja ime Nikoleta, më tregoi
për byrekun me qumësht dhe sa shumë ja pëlqejnë fëmijët. Këtu antenat e mija e
kapin sinjalin shumë mirë :). Sa herë që unë dëgjoj receta që më ngjalin
interesin ose “nepsin”, nuk pres dy ditë për ta provuar vet. Kështu që mbrëmë,
me gjithë aktivitetet që kisha pas pune, në orën 11 të natës byreku u fut për
proçes pjekje :).
Këshillë: ky byrek do vetëm vezë fshati. Gjithë shija e tij janë qumështi
dhe veza.
Përbërësit për kremin
5 vezë fshati
1,5 ml qumësht
3 - 4 lugë miell
2 lugë gjelle gjalp
Vaj ulluri
Përbërësit për brumin
300 gr miell për brumin
Kripë, ujë
Përgatitja
Fillimisht zëm brumin për të hapur petët e byrekut. E lëm të vij dhe
fillojmë me përgatitjen e kremit.
Hedhim gjalpin dhe pak vaj ulliri në tenxhere dhe e vëm në zjarr
derisa gjalpi të shkrijë. Këshillë që
beshameli mos t’ju dalë me kokriza: e heqim tenxheren nga zjarri, presim
një minutë, pastaj shtojmë miellin dhe trazojmë. E vëm përsëri në zjarr duke
trazuar për 2-3 minuta. Përpara se të fillojmë të hedhim qumështin e ftohtë e
shuajmë flakën ose heqim përsëri tenxheren nga zjarri për ndonjë minutë sa të
bjer pak nxehtësia. Fillojmë shtojmë qumështin e ftohtë avash avash duke
trazuar pa vënë në zjarr. Pasi kemi përzier dhe masa fillon të marrë
formën e kremit vëm në zjarr dhe shtojmë qumështin e mbetur. Kremi është gati
pasi ka arritur trashësinë në pikën e vlimit. Në një enë tjetër rrazim vezët me
kripë dhe ja shtojmë masës së kremit jo shumë të nxehtë ose përvëlim siç i
themi :). Unë i shtova dhe arrë moskat, meqë beshameli e pranon, por kjo është
opsionale.
Në fotot më poshtë ju shpjegoj sesi hap unë petët e byrekut. Ky
demostrim do jetë gjithmonë sa herë që unë do postoj receten e ndonjë byreku
:). Në recetën në fjalë, hapen 6-7 petë, të cilat happen 3 e nga 3 si kulaçka
të vogla, lyhen me vaj si në foto dhe një TIP që e kam mësuar nga kuzhinjerja
e Farma Sotira në Ersekë për lakrorët e mrekullueshëm që pregatisin aty, është pasi i
ke hapur kuleçkat në peta të vogal dhe i ke lyer me vaj, pluhurosi pak me
niseshte përpara se ti ngjisësh me njera tjetrën. Në këtë mënyrë petët do
ndahen mjaft mirë gjatë pjekjes. Unë e kam ilustruar me foto
gjithë proçesin.
Dhe si për të më nderuar mua, peta e parë e cila duhet të hapet më shumë
se madhësia e tepsisë, doli e përkryer :)))
Peta e dytë hidhet brenda tepsisë :).
Pasi kemi shtruar petët, hedhim kremin dhe palosim anët si në foto. Me
një furcë lyejmë anët me pak vaj. E pjekim në fund të sobës në 220 gradë, derisa
byreku të ketë marrë pamjen si në foto. Kjo pamje do tundonte shumë familjen
dhe miqtë tuaj që ftoni herë pas here. Ju bëftë mirë.
No comments
Post a Comment