Kek me spinaq (Plum cake with spinach)

Ju sugjeroj ta bëni shpesh gjatë dimrit këtë “bukë”. Sidomos kur ju vijnë miq, shoqërohet aq mirë me çdo lloj djathi dhe pamja e saj është oreks ndjellëse :).

Përbërësit

3 vezë

15 gr kripë

30 gr sheqer

80 ml vaj luledielli

150 ml qumësht

300 gr miell

1 bustinë baking powder

150 gr spinaq i zier

Mente dhe kopër të freskët

Pregatitja

Rrahim vezët. Shtojmë kripën, sheqerin, vajin dhe qumështin si dhe gjysmën e masës së miellit. Hedhim spinaqin me erzat e freskëta dhe vazhdojmë përzjerjen për ndonjë minutë. Shtojmë gjysmën e masës së miellit dhe baking powder.

Masën e përftuar e hedhin në formën e kekut (në formë buke). E pjekim në 180 gradë në mes të furrës për 45 minuta ose derisa maja e thikës të dalë e pastër. Ju bëftë mirë