Nuk dua t’ju listoj këtu vlerat e panxharit të kuq, se ato i dini të
gjithë, por dua t’ju tregoj sesi unë përgatis sallatën me panxharë të kuq në
shtëpinë time. Kjo është mënyra më tradicionale që ne përgatisim sallatën me
panxhar, duke e zjerë atë dhe servirur me açeto, hudhra, vaj ulliri. Kjo sallatë
është mirë të përgatitet që në mëngjes, për tu ngrënë në drekë ose një natë më
parë. Përbërësit kanë nëvojë të rrinë pak me njëri tjetrin për një marinim më të
mirë.
Përbërësit
5-6 kokrra panxhar
Krem uthulle balsamike
4-5 thelpinj hudhër
Vaj ulliri
Kripë
Përgatitja
Pastrojmë
panxharët nga bishtat dhe i lajmë, pa i qëruar. I vendosim në një tenxhere, i
mbulojme me ujë dhe i lëmë të ziejnë, derisa maja e thikës të futet lehtësisht
në zemër të panxharit.
I kullojmë dhë lëmë panxharin të ftohet përpara se ta qërojmë. Që të
ruani duart tuaja nga ngjyra e panxharit, kur ti qëroni vendoseni panxharin në
mes të një qeseje dhe fërkojeni atë me duar, lëkura i hiqet menjëherë pa nevojë
për thikën. I prisni në kubik, shtoni hudhrën e grirë. Hidhni kremin e uthullës
balsamike. Meqë ajo është pak e ëmbël, unë i shtova edhe pak krem shege meqë nuk kisha
uthull tjetër në shtëpi :). Hedhim vaj ulliri, rregullojmë me kripë dhe e
servirim të paktën 2-3 orë më vonë. Ju bëftë mirë.
No comments
Post a Comment