Pasta me Karkaleca

Kjo recetë të sjellë shijen më të mirë dhe më të thjeshtë të pastës me karkaleca. Gatimet e thjeshta dhe plot shija na e bëjnë dhe ditën e bukur. Kjo recetë mund të përdoret për çdo lloj frute deti që keni, jo vetëm me karkaleca. Nëse e vendosni pastën për të zjerë njëlloj me tiganin ku do skuqni karkalecat dhe do përgatisni salcën, pjata do jetë gati në aq minuta sa do ju duhet të ziejnë makaronat 🤗. Përfundimi do jetë një pjatë që shijon më mirë sesa në restorant sepse do gatuani pa hile, vetëm me dashuri 😍🤗😋❤.

Përbërësit:

500 gr pasta (linguine)

12-14 karkaleca të mëdhenj

300 gr domate në formë pure (ato që shiten gati)

1 lugë çaji gjalp

Kripë

1/3 lugë çaji sheqer

Vaj ulliri

Hudhër

Majdanos

Përgatitja:

Në dy vatrat e zjarrit vendosim tenxheren me ujin e makaronava dhe tiganin ku do përgatisim harxhën. Fillimisht pastrojmë karkalecat dhe kokat e lara i shtojmë tek uji ku do ziejmë makaronat. Në tigan skuqim karkalecat 2 minuta nga secila anë. I heqim mënjanë.

Shtojmë përsëri vaj ulliri dhe hedhim hudhrat e shtypura. Sapo vaji aromatizohet shtojmë salcën, kripë, gjalp dhe sheqer. Kur salca fillon e lidhet shtojmë gjysëm garuzhde nga uji makaronave.

Makaronat i lëmë të ziejnë tek uji deri 2 minuta para kohës përfundimtare që na këshillon paketimi i tyre. I kullojmë dhe i shtojmë makaronat tek salca bashkë me karkalecat. Gatuajmë dhe 2 minutat e mbetura të kohës së makaronave në tigan. Heqim nga zjarri dhe servirim me majdanos të freskët.

Ne i gatuam këto pasta ditën e dielë, ditë që jemi të gjithë në shtëpi sepse duhen shijuar menjëherë 🤗😋. Ju bëftë mirë. ❤🙏

  

Enchilada sipas Bonbon (Pite të mbushura)

Besoj që më pëlqejnë të gjitha kuzhinat dhe të gjitha shijet, kjo është dhe një arsye përse jam ende duke shkruar për ushqimin dhe pas 3 vitesh e gjysëm. Kuzhina Meksikane të cilën kemi patur fatin ta kemi prej shumë vitesh dhe në Tiranë besoj është e preferuar e shumë prej nesh. Mua më pëlqen më shumë ta shijoj gati në ristorante sesa ta gatuaj vet sepse më duken receta me shumë përbërës. Këtë herë që kalova pranë tortillave në supërmarket (piteve të Enchiladas) vendosa ti blej (meqë ishin dhe pite integrale dhe me fara dhe të sjell një nga gatimet më të njohura në gjithë botën Enchilada. Vendosa të mos lodhem me receta internet, por sipas shijes dhe atyre që kam ngrënë në restorantet meksikane të sjëll një recetë të thjeshtë, të kollajtë e dashur për gjithë familjen. Receta bëhet dhe më e thjeshtë kur gjysma e harxhës fasulet e kuqe dhe misri u blenë të gatshme në versionin meksikan J. Ndaj shijojeni këtë recetë në fundjavat tuaja sepse preferohet të haet e ngrohtë. Fotot e përgatijes së harxhës nuk i kam bërë sepse mendoja që nukdo e ndaja me ju pa e testuar vet më parë. Por kur pash që gjerat po merrnn formë “meksikane” hahah vendosa ta ndaj recetën dhe fotot filluan nga ai moment. Mos të harroj një element të rëndesishëm, Nevila e Bake My Day Happy për vit të ri midis të tjerash më dhuroi dhe një përzjerje me erëza meksikane që ja shtova mbushjes.

Përbërësit për 4 persona

Gjoksi i plotë i një pule

1 qepë e vogël

1 spec jeshil ose i kuq

½ trupi preshi

1 kanoçe Mexicana me groshë te kuqe dhe misër

Erëza sipas dëshirës (pak të forta)

8 pite tortilla

Dy lloje djathrash të butë të grirë në rende

1 filxhan çaji salcë domate

Vaj ulliri

Përgatitja:

Në tigan skuqim lehtë qepën, preshin dhe specin e grirë.

Në një tenxhere kemi vendosur gjoksin e pulës, të mbuluar me ujë dhe erëza sipas dëshirës. Unë i shtova nenexhikdhe një përziejre erzash për pulë. Mishin e pulës e lëmë të ziejë 15-20 minuta. Më pas e bëjmë fije fije dhe e shtojmë tek tigani ku po skuqen perimet. Trazojmë mirë dhe shtojmë kanoçen Mexicana dhe erëzat. Rregullojmë me kripë dhe e heqim harxhën nga zjarri.

Fillojmë mbushjen e tortilave. Hedhim harxhën pranë mesit të petës, shtojmë një dorë djath sipër dhe i mbledhim si në foto. 

   

Pasi kemi mbaruar me gjithë tortilat, shtojmë sipër disa lugë gjelle pure domate, e mbulojmë me djathë dhe spërkasim sipër me vaj ulliri.

E pjekim enchilada në 200 gradë për rreth 30 minuta sa të marrë ngjyrë dhe djathrat të jenë tretur.

Servirni të ngrohtë. Ju bëftë mirë