Ushqime në plazh

Paketimi i ushqimit për një piknik në park është shumë e lehtë. Por kur pikniki juaj ndodh të jetë në plazh, ka disa rregulla dhe faktorë të tjerë që duhet të merren parasysh para se të mbushim shportën apo frigoriferin tonë të dorës.

Faktori i parë është faktori “rërë”. Rëra është aty dhe sado masa paraprake të marrim, ajo në mënyrë të pashmangshme do hyjë kudo, përfshirë sanduiçin tuaj 🤩.

Ekziston edhe era e plazhit, e cila pavarësisht se mund të jetë e freskët dhe me aromë deti, vërvitet kudo, duke u ngjitur dhe përplasur me gjithçka që është pranë detit në formë të lagëshme, të ngjitshme….le ta themi copë, pas çdogjëje të ngrënshme që ne kemi marrë me vete 🙃.

Kujtojini këto detaje herën tjetër kur do bëheni gati të kaloni një ditë në plazh dhe mos harroni se edhe kur keni një frigorifer, disa ushqime ruhen më mirë se të tjerat. Natyrisht ju gjithmonë mund të paketoni produktet bazë si crackers, patatina, arra dhe frutat e thata, por është mirë të keni dhe ushqime prej vërteti, jo vetëm të paketuara 🤗.

Lexoni disa sugjerime nga Bonbon Taste për ushqimet që mund të merrni me vete nëse do kaloni një ditë të gjatë në plazh.

8 ushqime për t’i marrë me vete kur kalojmë një ditë të tërë në plazh.

1. Si zgjedhje të parë unë bëj gjithmonë sanduiçe të cilat mund ti përgatisim me panine si zgjedhje tradicionale ose me petë tortilla (që gjenden në supermarketet tona). Një ushqim i mbledhur si sanduiç është i mbrojtur në plazh, plus janë të kollajta për tu ngrënë në porcione individuale, duke e mbajtur me vetëm një dorë 😉.

2.     Pulë të skuqur (të pjekur)
    Gjëja më e mirë pas një pule të sapo skuqur, krokante dhe me erëza është mishi pulës i mbetur nga një ditë më parë, sidomos kur “dita tjetër” qëllon të jetë në plazh. Pula e skuqur (në copëza të vogla) është ushqimi i preferuar buzë detit dhe ruhet mirë në frigoriferin freskues. Ky lloj ushqimi është shumë i kollajtë për tu ngrënë dhe pa u bërë pis fare me rërë. Recetë për krahë pulë krokantë të pjekur e gjeni këtu.

3.     Stikini ose ushqim në shkop

Sepse ushqimi i ndarë në copëza e ngulur në një shkop, është gjithmonë argëtues. Çfarëdo lloj ushqimi që të ngulni në shkop fruta, perime, mish, qebap, me siguri që ushqyerja juaj në plazh do jetë më e kollajtë. Nuk ka nevojë për enë kuzhine, nuk bën pis, nuk lë mbeturina nga prapa.

4.     Fruta

Megjithëse frutat e prera në copa, të futura në një tas janë kollajllik, përsëri duart me kripën e detit apo rërë, na pengojnë ta shijojmë siç duhet sallatën me fruta. Frutat e plota (të paprera) janë më të përshtatshme gjatë një dite në plazh. Pjeshkë, nektarina, mollë dhe rrushë, të gjitha janë një zgjedhje e shkëlqyer e ëmbël.

5.     Kuskus ose sallatë e ftohtë me pasta

Këto dy gatime janë shumë të mira për tu konsumuar buzë detit dhe ruhen mirë në frigorifer. Edhe nëse ndonjë grimcë rëre ju fluturon në tasin me kuskus as nuk keni për ta vënë re sepse do ngatërrohet me kokrizat e kuskus 😛. Recetën e kuskus sallatë e gjeni këtu.

Recetën e pastës së ftohtë e gjeni këtu.

6.     Sallam e djathë

E vërtetë, djathi dhe sallami mund të mos jenë zgjedhje shumë të mira nëse do të jeni për orë të tëra në vapën e mesditës. Por nëse ju duhet të hani, këto kafshime janë të lehta për t'u paketuar, nuk kanë nevojë për paketime speciale dhe konsumohen pa nevojën e pjatave apo pirunjve.

7. Mbështjellje me gjethe lakre
Duket sikur këto mbështjellje janë të komplikuara, por aspak. Ato jane një zgjedhje më e shëndetshme në dukje si sanduiç, por të mbledhur me gjethe lakre ose sallate. Ju nevojiten ca gjethe të mëdha të sallatës jeshile apo iceberg dhe mbi të mund të mblidhni të gjitha perimet që ju dëshironi, shoqëruar më djath të butë. Paketoni këto lloj mbështjelljesh me letër alumini dhe ju duhet vetëm ta “zhvishni” nga paketimi ndërsa e kafshoni 😋.

8. Biskota

Mos harroni kurrsesi Ëmbëlsirat! Biskotat janë një ushqim i përkryer si “finger food” apo ushqim individual i ndarë në porcione, për të frenuar sadopak nepsin për ëmbëlsirë pas vaktit të drekës. Është më mirë të merrni biskota sesa çokollatë e cila mund t’ju përlyej buzë detit, për të shuar nepsin për ëmbëlsira. Receta bër biskota të thjeshta dhe të shijshme gjeni këtu, këtu, këtu dhe këtu 😍😍🤗.

Plazh të mbarë ❤❤❤