Pa hyrë mirë muaji dhjetor në shtëpinë tonë ka vetëm aromë
Krishtlindjesh. Megjithëse kjo periudhë e vitit është si një periudhë “çoroditje”
mes planesh për festën e fundvitit, me bërje bilancesh sesi na iku një vit i tërë,
me ide të reja për t’i realizuar pas 1 janarit :), me blerje dhuratash,
elektroshtëpiakesh, perde të reja apo divanë të rinj :), kur vjen puna tek gatimet
dhe atmosfera në shtëpi të gjithë jemi dakort, që nuk ka si muaji dhjetor dhe
festat e fundvitit. Ajo që unë betohem që nuk do bëj më çdo fund viti, janë
blerjet e tepruara, sikur në datën 1 Janar nuk do ekzistojnë më dyqane. Sot në
8 dhjetor ende nuk kam bërë asnjë blerje për shtëpinë, madje ende nuk kam ide për
dhurata. Ca kartolina me shkrim dore nuk do ishin keq, si fenomen në zhdukje
:). Këshilla ime këtu, për veten dhe për ju është bëni blerje të zgjuara, mos
shpenzoni kot vetëm se ka “ulje çmimesh” :). Dhurata më e bukur që më ka ardhur
vjet, ka qenë një CD e përgatitur me shumë dashuri nga kushurira ime Odeta, me
këngët më të njohura të Krishtlindjes, tingujt e të cilave mbushnin shtëpinë me
atmosferë të vërtetë festash.
Le të flasim për ushqimin tani dhe më konkretisht për një pije :). Verën
e ngrohtë ose sic njihet “mulled wine”. Kur e provoni për herë të parë këtë verë
do kërkoni të dini patjetër recetën. Unë e kam provuar para 3 vjetësh në Francë
dhe ka 3 vjet që e bëj çdo vit në shtëpinë time. Kur e kam provuar vjet në
Tiranë, ishte shumë larg shijes së asaj që do ju tregoj sot
:).
Ka shumë receta për mulled wine të cilat ndryshojnë vetëm nga
kombinimi erëzave. Unë kam zgjedhur Jamie Oliver “Mulled Wine”, pasi është një
video që më argëton shumë.
Përbërësit
1e ½ litër verë ose 2 shishe
200 gr sheqer
6 copë yje Anise
10 copë karafila
2 shkopinjë kanelle
1 lugë fara kardamome
½ lugë çaji arrë moskat
Lëkura e një kokër portokallë bashkë me lëngun
Lëkura e një limoni
Përgatitja
Mos u trembni nga erëzat dhe
emrat e tyre. I mbani shënim siç ja u kam shkruar dhe i gjeni të gjitha tek
Neranxi :). Hedhim erëzat, sheqerin, lëkurat, lëngun e një portokalli dhe 300
ml verë në tenxhere. Lëkurat e portokallit dhe limonit, siç thotë dhe Jamie “peel
and twist”, i qëroni dhe përdridhni me dorë brenda në tenxherë që të nxjerrin
esencën e tyre.
Vendosim
tenxheren në zjarr dhe lëmë të ziejë për 7-8 minuta sa të krijohet një masë si
shurup. Më pas shtojmë gjithë verën e mbetur 1litër e 200 ml ose 1 shishe e
gjys dhe e vendosim në zjarr derisa të marrë valë.
Servirim, patjetër të ngrohtë :) me të gjithë përbërësit brenda, mund
të hiqni vetëm lëkurat e agrumeve. Ju bëftë mirë dhe Gëzuar Festat :)
Post a Comment
Përbërësit për kimën
300 gr mish të grirë
1 shishe salcë domate pure
1 degë selino
1 karrotë
½ lugë çaji kanellë
Piper
Arrë moskat e grirë
Përbërësit për beshamelin
4 lugë gjelle gjalp
4 lugë gjelle miell
1200 ml qumësht
Arrë moskat
1 pana 200 ml
Kripë
Përgatitja
Pastrojmë karrotën dhe selinon dhe presim në kubikë. Vendosim mishin në
një tenxhere ku shtojmë një filxhan kafe me ujë dhe trazojmë sa mishi të marrë
ngjyrë për 2-3 minuta.
Këshillë: nëse doni që mishi grirë mos t’ju mblidhet
toptha toptha kur bëni kimanë, gjithmonë shtoni ujë kur gatuani mishin, pasi
vaji i nxehtë e forcon mishin e grirë dhe e mbledh në topa, duke mos e lënë të
shkrifët. Këtë ma ka mësuar tezja ime Arjeta dhe funksionon gjithmonë.
Shtojmë përimet e grira, kaurdisim 1 apo dy minuta përpara se të
hedhim salcën. Shtojmë salcën. Shplani shishen mirë :) dhe shtojani masës. Rregulloni
me kripë, piper, kanellë dhe arrë moskat dhe lëreni të ziejë në zjarr të avashët
për 15 minuta.
Në një tenxhere shtojmë gjalpin derisa të shkrij. Hedhim miellin. Trazojmë
derisa mielli të marrë pak ngjyrë. Heqim nga zjarri dhe lëmë 2 minuta në qetësi,
përpara se të shtojmë qumështin e ftohtë. E hedhim qumështin avash avash dhe
trazojmë pa e vënë në zjarr derisa të krijohet një masë kremoze. E vendosim tenxheren e beshamelit në zjarr,
shtojmë sasine e mbetur të qumështit, rregullojmë më kripë dhe arrë moskat dhe
e lëmë të ziejë duke e trazuar herë pas here.
Kur beshameli të jetë gati, i hedhim një pako pana për gatim 200 ml. Këtë
ma ka mësuar kunata që jeton në Itali dhe vërtet që i jep beshamelit një
kremozitet, qëndrueshmeri dhe ngjyrë shumë të bukur gjatë pjekjes.
Fillojmë me shtrimin e lazanjës. Siç më ka mësuar mami Lika gjithmonë
lyejmë fundin e tepsisë më pak kimë dhe beshamel. Këto përmasa mua me lejojnë të
krijoj tre shtresa me pete lazanje. Në çdo shtresë që unë hedh kima, hedh dhe
disa lugë beshamelë.
Tava është gati, hedhim dhe djathin e grirë sipër. Pjekim në mes të
furrës, në 200 gradë për 30 minutë ose sa të marrë ngjyrën e bukur.
Lazanja duhet të rri të paktën 20 minuta kur del nga furra, përpara se
ta servirim. Ju bëftë mirë.
Kur çunat shkojë tek Mira, përveshin mëngët dhe fillojnë të shfletojnë
librat e recetave të Mirës, për të gjetur ato ëmbëlsira që nuk i kanë provuar
ende. Çfarëdo recete që çunat zgjedhin që Mira të gatuajë për ta, waffles janë
aty, gati për starter :).
Ndaj dhe zgjodhëm t’i sjellim waffles nga kuzhina e Mirës, e cila na i
përgatit gjithë dashuri, sa herë shkojmë për vizitë. Waffles kanë një thekëse të
veçantë ku piqen apo “theken”. Pa këtë thekëse mos e merrni mundimin t’i
gatuani në shtëpitë tuaja ;). Sot, një pajisje e tillë është e kollajtë për tu
gjetur dhe me çmim të përballueshëm.
Përbërësit
2 filxhanë çaji miell
1 lugë çaji kripë
2 lugë çaji sheqer
2 vezë
1 e ½ filxhan çaji qumësht
1/3 filxhan çaji gjalp i shkirë
1 lugë gjelle pluhur pjekës
Vanilje
Përgatitja
Me një mikser elektrik rrahim vezët me sheqerin, kripën, gjalpin, qumështin.
Shtojmë miellin, pluhurin pjekës dhe vaniljen. Masa që krijohet është pak a
shumë si brum petullash.
Ndërkohë kemi vënë për të ngrohur thekësen për waffles.
Mbajmë pranë vendit të punës një gotë me gjalpw të shkrirë dhe një
furcë, për të lyer thekësen sa herë që do hedhim brumin e waffles.
Pjekim dhe servirim sipas dëshirës. Përbërësit që janë “me detyrim” për
të shijuar waffles siç i do zakoni, janë nutela dhe akullorja :). Ju bëftë mirë.
Frikaseja është një gatim
tipik për dimër. Në shtëpinë tonë mami na e ka gatuar që kur kemi qenë të vegjël.
Frikaseja mund ta gatuhet me mish viçi të njomë, pulë fshati të freskët ose
mish qingji, pasi gjithë shija e mirë i vjen më së shumti nga lëngu i mishit.
Kjo është një recetë për
gjithë familjen. Hyn tek supat, por supat prej vërteti :). Unë e gatuaj shpesh
gjatë dimrit dhe kur kemi frikase jam e qetë se dhe fëmijët janë të sistemuar me
drekën. Është stres më vete kur ke fëmijë, të gatuash një pjatë që nuk e ha
gjysma e familjes :).
Përbërësit për 5 veta
500 gr mish viçi
2 karota mesatare
2 patate mesatare
1 lugë gjalp
Për kremin
1 lugë gjalp
2 lugë miell
150 ml qumësht
1 kokër vezë
Kripë
Piper i zi
Piper i kuq
Majdanos
Përgatitja
Në tenxheren me presion
hedhim një lugë gjalp, vaj dhe shtojmë mishin dhe perimet e grira. I trazojmë
derisa të kaurdisen me njëra tjetrën.
Kur arrijmë këtë fazë,
mbushim me ujë sa mishi të mbulohet dhe vendosim kapakun e tenxheres me
presion.
Ndërkohë që zien mishi me
perimet përgatisim kremin beshamel si zakonisht. Hedhim gjalpin në tenxhere,
kur gjalpi shkrin, shtojmë miellin dhe trazojmë sa të marrë pakez ngjyrë. Hedhim
një të kapur gishtash piper të kuq dhe e heqim nga zjarri tenxheren për 2
minuta përpara se t’i shtojmë qumështin e ftohtë në mënyrë që mos të na
krijohen kokrra.
Vëmë mbi flakë dhe trazojmë
beshamelin duke shtuar nga lëngu i mishit që ndërkohë ka zjerë derisa kremi të
hollohet. Këtë masë e shtojmë tek tenxherja e presionit, rregullojmë me kripë e
piper dhe e lëmë 2-3 minuta sa frikaseja të marrë valë. E heqim nga zjarri.
Rrahim një kokër vezë me pak
lëng limon dhe ja shtojmë frikases, të paktën 5 minuta pasi është përfunduar për
të evituar mpiksjen e vezës. Proçesi hedhjes së vezës në lëngun e nxehtë të
frikasesë është si në çdo supë tjetër. Ju bëftë mirë.
Siç edhe e kam thënë ëmbëlsirat me mollë janë ndër më të preferuarat e
gjysmës time :), kështu që gjatë stinës së dimrit gjej rastin t’i gatuaj receta të
ndryshme. Byreku me mollë është një ëmbëlsirë që e preferojnë shumë dhe fëmijët,
e cilësoj këtë fakt sepse çunave të mi copat e frutave në një kek, u duken si
copat e perimeve në një supë :). I heqin mënjanë. Por tek kjo recetë e thjeshtë
në përbërës, por shumë e mirë në shije ata i përlajnë copat e mollës :).
Mollët dhe limoni, përbërës kryesor të kësaj recete gjenden në çdo shtëpi
në këtë stinë, kështu që mos përtoni dhe bëjeni. Kësaj ëmbëlsirë për një figurë
më të mirë kur ju vijnë miq, i shkon shumë dhe pak akullore me vanilje sipër
:).
Përbërësit
3 mollë mesatare
1 kokër limon
2 lugë gjelle sheqer kaf
1 lugë çaji kanellë
1 lugë gjelle gjalp
1 petë sfoliatë
Përgatitja
Qërojmë mollët dhe i presim në kubikë. Në një tenxhere apo tigan
hedhim një lugë gjalpë, shtojmë mollët, lëngun e një limoni, sheqerin. Trazojmë
dhë lëmë në zjarr 3-4 minuta derisa mollët të zbuten. Shtojmë kanellën dhe
heqim mënjanë.
Në një tepsi shtrojmë letër gatimi. Mbi të vendosim petën sfoliat e
cila ka arritur një zbutje në temperaturë normale (kur e blëjmë petën sfoliatë ajo është e ngrirë pasi rri në frigorifer.
Mjaft ta blini petën 1 apo 2 orë përpara gatimit, në mënyrë që peta të zbutet, jo qulloset, në temperaturë ambjenti).
Pluhurosim shtratin e petës me pak miell.
Presim anët e petës si në foto, nga të dyja anët në shirita 2 cm të
trashë.
Hedhim masën me mollë në shtratin e petës dhe mbulojmë me shiritat nga
të dyja anët.
Pjekim në 180 gradë, në mes të furrës për 25-30 minuta derisa peta të
marrë ngjyrë të artë.
Pluhurosim me sheqer pluhur dhe presim pak përpara se ta servirim,
pasi peta shumë e nxehtë mund të shkërmoqet. Ju bëftë mirë.
Subscribe to:
Posts (Atom)